.ايوووووووة
بما انهم كانوا يسخرون منا بالامس ..فاليوم نحن نسخر منهم .
كتب:عنتر عبداللطيف
عقب قرار حبس سوزان ثابت 15 يوما علي ذمة التحقيقات في قضايا فساد مالي في مكتبة الاسكندرية ومهرجان القراءة للجميع والتحفظ عليها في غرفة مجاورة لزوجها المخلوع حسني مبارك انطلقت التعليقات الساخرة علي المواقع الإلكترونية والفيس بوك.
. «صوت الأمة» ترصد للقراء أطرف هذه التعليقات وكانت كالآتي: «الدور الدور.. موعودة يا اللي عليكي الدور» سجن القناطر.. يريد سوزان مبارك «الشعب في كل حتة عمال يجيب أجوان زي ما حبس حسني.. كمان حبس سوزان».. «ماما سوزان طلعت حرامية.. ماما سوزان سرقت مكتبة الإسكندرية».. «شكراً يا بابا حسني.. شكراً يا أبيه جمال دا أنتم ربتونا وعلمتونا وأدبتونا» وكتب محمد كمال: «ماما سوزان عقبال ما أشوفك في سجن القناطر مع الخالة نوسة.. كنتي فاكراها عزبة أبوكي» وعلقت سمسمة: «وراء كل فاسد امرأة افسد منه تدفعه للأمام» وكتب عمر الخياط: «يا تري هيخلوها مع جوزها في زنزانة واحدة ويلموا شمل العيلة الحرامية علي الطبلية» وعلق دانيال أيمن: «حافية علي جسر القناطر» وعلي جروب المصريون لسوزان مبارك: «قلبي وفلوسي عندك يا أم جيمي» كانت التعليقات كالآتي «شوفي أهو راح بورتو طرة وهيرميكي في القناطر وبعدين هو معاه أصحاب كتير هيتسلي معاهم انما أنت يا عيني لوحدك.. ده كمان أخذ منك العيال وهيشوفهم كل يوم».. «احنا مش جايين نشمت في أم علاء يا جماعة.. احنا جايين نتشفي بس».
أما جروب ليلة القبض علي سوزان مبارك فقد تكون مباشرة بعد تأكيد أخبار التحقيق مع سوزان وزاد عدد أعضائه في لحظات علي المائة عضو فقد علقت ندا حسين قائلة: «حسني مبارك عمل عيان ومرتضي أغمن عليه عشان ميروحشي السجن وسوزان قالت أنا حامل» وعلق إسماعيل مراد: «يلا هتعمل القراءة للجميع في السجن بقي» وقال الاسطورة علي أحد المواقع الإلكترونية: «اللهم لا شماتة بس دي نهاية كل ظالم وأكيد غيركم أتعلم لو ظلم ونهب أموال الغلابة هيكون مصيره زيكم» وقالت مصرية: «يا حلوة يا بلحة يا مقمعة شرفتي أخواتك الأربعة» وقال يسري بهجة: «هتفضل جنب سونة تديله الببرونة.. قال النساء في سجن القناطر يتسمن بالخطورة.. طيب يا جماعة ده أوعوا تودوها القناطر بسرعة وياريت تجوعوا السجينات يومين قبل ما يستلموها» وقالت سنابل صالح: «يا شماتة أبلة ظاظا فيكي يا ماما سوزان» وعلق مقبل سيد: «عاوزين بتوع مصطفي محمود يضيفوها علي بوسترات احنا أسفين يا ماما سوزان» وكتبت مصرية ناصحة: «الحل هو الزحف علي شرم الشيخ والاعتصام أمام المستشفي حتي يتم ترحيل جوز البلابل وعايزين نعرف هي دولة قانون ولا دولة ملوخية» وقال طارق صلاح: «يا جماعة عايزين الهانم تدخل السجن.. دي هانم جوزها ملك وأولادها أمراء.. السجن للغلابة والفقراء فقط» وكتب محمد جمال: «هيه أحسن من مين.. الله كبير وعادل وهي صاحبة فكره محكمة الاسرة» وكتبت سما أحمد: «جالك يوم متلاقيش في السما نجوم» وتحت عنوان اضحك مع سوزان مبارك كتب القراء: «قررت سوزان مبارك بناء مترو يوصل بين طرة والقناطر علشان تطمن علي علاء وجمال شربوا اللبن ولا لأ.. وقررت بناء مكتبة القناطر علشان تقلب رزقها».
صوت الامه
ليست هناك تعليقات:
إرسال تعليق