لهذا سيحرقون مصر قبل ان يحرقهم المصريون .

الظابط ده عمل اكونت علي تويتر يوم السبت 28 يناير 2012 وكتب كل التويتات دي وتم غلق الاكونت بعدها بيوم .. والنهارده اتفتح تانى الكلام  
الملازم اول : محمد وديع
ظابط في الصاعقه
رقمه العسكرى١٢٦٤٣٣
ملازم أول/ محمد وديع الوحده ٩٩٩ قتال سابقا ضباط ٨ ابريل حاليا والعمر واحد والرب واحد

يعنى ايه قسم ؟ يعنى ايه أقسم بالله العظيم أن أكون جنديا وفيا لجمهورية مصر العربيه ؟ طيب يعنى ايه نكتب بأجسامنا مصر
مبارك مبارك مصر ؟؟

يعنى ايه قبل قرار تنحى مبارك يتسرح ١٨٠٠ مسجون من السجن الحربى منهم اغتصاب وقتل على طريق مصر الاسماعيليه ؟؟

يعنى ايه اللوا صلاح الشربينى لصف ظابط هاديك شلوط تطلع عند ربنا يقولولك جاى منين تقولهم من عند اللوا صلاح يقولولك ارجع مش عايزين مشاكل

يعنى ايه اللواء الروينى يغلق مسجد المنطقه المركزيه ويمنع الصلاه فيه بعد ما صلي فيه المخلوع علشان يفضل محافظ عليه لحد ما ييجى يصلى تانى ؟؟

يعنى ايه الديكتاتور مختار المللا يتكلم عن الديقراطيه ؟؟
يعنى ايه الضايع سامى عنان يخطط لجيش مصر ؟؟
يعنى ايه ممدوح شاهين التايه يشرع لمصر ؟؟
يعنى ايه النقيب أحمد حمام والرائد أشرف عبد الحميد والملازم مينا أبطال موقعة العذريه ما حدش يعرف عنهم حاجه ؟
يعنى ايه قائد الفرقه التاسعه المشاه الميكانيكى يأمر صغار الضباط بالإفراج عن الحصنه والجمال واصحابهم علشان يروحوا ينفذه مذبحه فى التحرير ؟؟
يعنى ايه ابن المشير يروح مخابرات عامه ما تعجبهوش يروح رقابه اداريه يزهق يرجع العامه تانى عزبة بابى ؟؟
يعنى ايه ابن المشير يخترعوله منصب عند تخرجه من الشرطه المنسق العام بين وزارتى الدفاع والداخليه ؟؟
يعنى ايه جميع أولاد لواءات القوات المسلحه إما مخابرات عامه أو رقابه إداريه ؟؟
يعنى ايه فى العروض والاستعراضات نصرف ملايين على الفشخره الكدابه زى اللى بياخد هرمونات فى الجيم ومافيهوش نفخه ؟؟
يعنى ايه هشام ماهر فى لواء الوحدات يسرق بنزين للسيل علشان ينفذوا التدريب ؟
الصاعقه البحريه رفضت ضرب المتظاهرين امام المنطقه الشماليه والصاعقه البريه دغدغت زمايلها قبل الناس يوم ٨ ابريل مين وصلهم لكده ؟؟
ضباط لواء الوحدات الخاصه رجال الضفادع البشريه رفضوا ضرب المتظاهرين اما ال ٧٧٧ ؟؟
يعنى ايه الشرطه العسكريه اللى بتأمن المحاور وتحول الطرق ولها مهمه محترمه فى الحرب يحولها بادين لمباحث مكافحة الثوار ؟؟
يعنى ايه الصاعقه المصريه احد مصادر رعب اسرائيل ماسكين عصيان وطالعين يجروا ورا الناس فى الشوارع بقيادة اللواء سامى سعد زغلول
يعنى ايه ظابط مظلات الباريه بتاعه متوحد على مستوى العالم قافز حر قوات خاصه يفتخر بضرب البنات كإنه فتح عكه مين وصله ده ؟؟
يعنى ايه قائد السجن يقولى يا ابنى المشير لا دريان بيا ولا بيك يلا حسن الختام قمال دريان بمصر ازاى ؟؟
يعنى ايه اللوا الفخرانى يكلف بوابه ٩ ميليون الرقابه الاداريه تزعل يطلع معاش ويتعين محافظ الاسماعيليه ؟؟
يعنى ايه القبه السماويه فى الكليه الحربيه تتكلف ٤٥ ميليون جنيه فى عهد مختار المللا
يعنى ايه حمام فى الصحراء يتكلف ٢ ميليون جنيه يعملوا خبير المانى لإحتمال قدوم مبارك لعرض المنطقه الغربيه
يعنى ايه الروينى فى المنطقه المركزيه للضباط ثورة ايه وخره ايه احنا غلطنين اننا ما دسناش عليهم بالجزمه ؟؟
يعنى ايه مختار المللا فى معهد المدرعات للضباط هما فاكرين انهم عملوا ثوره لكن احنا هانوريهم حبة العيال
يعنى ايه اللواء الفنجرى وسيد البرنس يقولوا احنا حطينا روحنا على كفنا ضد مبارك ولولا اللى عاملناه بإنعقاد المجلس ما كانتش الثوره نجحت ؟؟
يعنى ايه محسن الفنجرى يقول لما نغير المحافظين والمحليات والجامعات والداخليه تبقى فين الدوله بقى ؟؟
يعنى ايه محسن الفنجرى يقول فى لقاء بالسجن الحربى الحركات الشبابيه دول هما اللى بوظوا الثوره ونصفهم عملاء وخونه ونصفهم مغيبين ؟
يعنى ايه كل الفلوس والذهب والموبايلات الاحراز فى السجن الحربى تتباع وتوزع مكافئات على الضباط والجنود ؟؟
يعنى ايه جميع محتويات مقر الحزب الوطنى تبقى بقانون غنائم الحرب فى مخازن الفرقه الثانيه المشاه الميكانيكى وهو كده ؟؟
يعنى ايه الجبن يبقى اهم صفات المقاتل !!!!
يعنى ايه المشير يقول على طلبة الكليه الحربيه بعد خناقة ١٥ مايو الطلبه دول انا كنت قادر احرقهم !!
إله الملاعب اما لو انت على دكة البدلاء وسيادته جه يلعب رمية تماس تقف انتباه من حديد لحد ما يلعب ويدخل الملعب تانى تقوم قاعد
ولو بتلعب معاه تباصيله كتير ولو الجون فاضى وهو جنبك لازم هو اللى يجيب الجون لو الكوره اتقطعت منه تجرى بسرعه وتحاول ترجعهاله
تعليمات الماتش ما تدخلش عليه ماترقصهوش سيبه يرقصك ما تشوطش وهو واقف حواليك ما تلمسهوش واللى ادانى التعليمات لواء مدير جهاز الرياضه
لعبت كوره مع المشير فى ٢٠٠٥ وكان ضدى وبيلعب مع المعهد الفنى واحنا حربيه
يعنى ايه الرئيس المخلوع بتتبنيله فيلا فى السجن الحربى دلوقتى ومستشفى السجن بتتجهز لتصبح سبع نجوم تحسبا لأى احتمالات
يعنى ايه الروينى فى المتحف المصري لما ما يعجبوش حد يقول يا تسعات فسحوه ياخدوه وحوش ال ٩٩٩ ورا المتحف لحد ما يبانلو صاحب مسلسل الوسيه ده ؟
يعنى ايه اخد فرقة السيل يبقى عادى واخد القائد بتاعى اوصله وانا مروح ابقى اشطر ظابط فالوجود ؟؟
يعنى ايه المخابرات العامه يمسكها لواء وهيئة الرقابه الإداريه يمسكها لواء والمحافظين لواءات الدوله كانت الجيش مش حسنى مبارك
يعنى ايه لما تتكلم فى التطوير والتدريب يتقال لك اسكت ماتوديش نفسك فى داهيه ؟
يعنى ايه تلاتين سنه التوفيق وامتداد رمسيس وخلف العبور واذ فجأه قصور فى التجمع الخامس والرحاب ومدينتى والشروق ؟؟
يعنى ايه مرتب الملازم ٢٠٠٠ جنيه ومرتب اللواء ٥٠٠٠ جنيه والفرق بينهم ٣٠ سنه عمل سياسة تجويع وحرمان ؟؟
يعنى ايه حصاد هدايا زفاف ابن احد اللواءات ٢٥٠٠٠٠ جنيه ذهب
والله العظيم المشير ما عايز يضحك على الشعب والله العظيم المشير عايز يكسر إرادة الشعب
طيب يعنى ايه يصبح عرف مستديم فى احتفالات القوات المسلحه ذبح عجل تحت اقدام المشير نوعا من القرابين والاضحيه لسيادته ؟؟
يعنى ايه لما ارفض الكلام فى المخابرات يتقلى لدينا من الوسائل والاساليب اللى يخليك تعترف على نفسك انك جاسوس وانت مش جاسوس ؟؟
طيب يعنى ايه يتقالى من لواء مين علاء الاسوانى ده اللى اهم انجازاته عمارة يعقوبيان هو خلاص كده اصبح اديب ؟؟
يعنى ايه يعلمونى فى الخطه اراده فض الشغب والتظاهر اوعى تضرب طلقه فى الهوا لا يفتكرونا نازلين نهزر اضرب فى المليان ؟؟
يعنى ايه عصابه خلصت على الجيش وبتخلص على مصر دلوقتى ؟؟
يعنى ايه ابقى عارف قد ده ميت مره والناس تقول شرفاء الجيش فين وما انزلش يوم ٨ ابريل ؟؟؟؟؟
يعنى ايه ظابط واقف قدام مقر رئيس الجمهوريه بدبابه ومعاهوش طلقه فشنك ياخد امر ما يعدوش غير على جثتك ؟؟
يعنى ايه ٦٥ يتدفنوا جنب السجن الحربى واهاليهم بيدوروا عليهم لحد دلوقتى ؟؟
يعنى الظابط اللى ساكت خاين واللى اتكلم تبع المجلس طيب نعملكم ايه علشان تفهمو ؟؟
يعنى ايه الوحده ٧٧٧ والوحده ٩٩٩ وحدات ارهاب دولى توضع فى مواجهه مع مواطنين مصريين
يعنى ايه قائد الفرقه الثانيه مشاه ميكانيكى يشرف على التعذيب داخل المتحف المصري
يعنى ايه لما اسكت ابقى خاين ولما اتكلم ابقى باعمل فتنه ؟
يعنى ايه الطيران الحربى يشارك فى تهريب اموال ؟؟
يعنى ايه حسن الروينى يأمر بتأمين ابناء مبارك من مصطفى محمود للتحرير ١ فبراير

ــــــــــــــــــــــــــــــــــــــــــــــــــــــ

 الحديث الان عن الخروج الامن لمجلس ادارة الفوضى الذى ولاه المخلوع لادارة الفوضى فى البلاد، والعمل على حمايته هو واولاده وثرواتهم!! فاصبح علينا ان نوضح للشعب العظيم املاكه وثرواته المنهوبه على ايدى مجلس المخلوع العسكرى، لان القوات المسلحه ملك للشعب دستوريا قديما وحديثا الا اذا قام المتأسلمين ببيعها لمجلس الخونه، واعطائهم صك الملكيه مقابل الكراسى… وحتى فى هذه الحاله يجب ان يعلم الشعب ممتلكاته المعروضه للبيع من اعضاء مجلسه الموقر
أولا :اسباب نشأة جهاز مشروعات الخدمه الوطنيه
ابو غزالة و السادات
نظرا للحروب المتلاحقه والمفتعله لتثبيت حكم العسكر من 56 حتى 73 ، ومدى تاثر الدوله من نقص الموارد الغذائيه والوقود، وتطويعها للقوات المسلحه. وبعد اتفاقية السلام عرض المشير محمد عبد الحليم ابو غزاله على الرئيس الراحل محمد انور السادات انشاء مشروعات غذائيه انتاجيه لتحقيق الاكتفاء الذاتى للقوات المسلحه. وافق السادات على هذه الفكره، وبداء التنفيذ الفورى لها… وتوفى الرئيس الراحل السادات، واستمر المشير ابوغزاله وزيرا للدفاع… ونظرا لقوة المشير استمر المشروع وتوسع لهدف واحد، تحقيق الاكتفاء الذاتى للقوات المسلحه وزيادة الاراضى المزروعه فى الدوله بعد قضاء قوانين الاصلاح الزرعى على الرقعه الزراعيه فى مصر.. تم انشاء ثلاث كتائب زراعيه لاستصلاح الاراضى وتمليكها بعد ذلك لشباب الخريجين، وانشاء مصانع للاستفاده من المنتجات الزراعيه والثرواة الحيوانيه والداجنه، وتم انشاء صروح صناعيه تفتخر بها مصر فى عهد المشير ابوغزاله لان الارباح تدخل فى رأس المال لتنمية المشروعات وزيادتها ولم يكن هناك من يتجراء على ان يختلس او يسرق قرش من هذه الحسابات

ولكن تاتى الرياح بما لا تشتهى السفن، وتتحالف امريكا مع المخلوع لعزل وزير الدفاع لأصراره على تطوير وتحديث الجيش المصرى ووصول الجيش المصرى لمراكز غير مسبوقة مقارنة بجيوش العالم فى عصر ابو غزاله، وينسحب الرجل خوفا منه على بلاده الذى احبها ولم يقم بانقلاب عسكرى مع العلم انه كان سيستولى على الحكم فى اقل من نصف ساعه
ثانيا :الهيكل التنظيمى الحالى لجهاز مشروعات الخدمه الوطنيه
يتكون رأس الجهاز من مجلس اداره، ويكون رئيس مجلس الاداره رئيس هيئة القضاء العسكرى !!! وطبعا كلنا فهمين ليه… علشان محدش ياخد معاهم حق ولا باطل… اما اعضاء مجلس الاداره، فهم رؤساء اركان الاسلحه والافرع الرئيسيه للقوات المسلحه ومن يرضى عنه المشين طنطاوى، وطبعا مجلس الاداره شريك رئيسى فى الارباح.. ولذلك رضا طنطاوى بيساوى كتير اوى اصفار تلخبط من النظر فيها

سيد مشعل
وتحت مجلس الاداره، نجد مدير عام الجهاز اللواء/ نادر عبدو قوره، ومن قبله اللواء/ سيد مشعل وزير الانتاج الحربى، اللى اتغيرة عليه 3 وزارات وهو مستمر نظرا لسخاءه الشديد مع طنطاوى عندما كان مدير عام للجهاز والذى لم يقل سخاءه بعد توليه وزارة الانتاج الحربى اللى خربها…. ولكم ان تسالوا عنه عمال ومهندسين المصانع الحربيه

اما عن اسباب تولى نادر قوره مدير عام الجهاز، الشهير باللص الشريف، انه اثناء الاحتفال بيوم تفوق المنطقه المركزيه العسكريه، التى كان يتولى قيادتها، قام وزير الغبره/ طنطاوى بالتصديق على صرف مكافئه للقوات 3 مليون جنيه… فقام بتسليم مبلغ مليون ونصف الى سكرتير المشير هديه من المنطقه فى نفس اللحظه، وقام بتوزيع نقود على القوات فى ارض طابور العرض، ولم يفعل مثل باقى القاده بارسال النقود للوزير لاحقا او توزيع النقود على القوات بعد فتره وكانت حركه قمة الذكاء، وتم تعيينه مدير عام جهاز مشروعات الخدمه الوطنيه نظرا لسرعته فى تظبيط الحسابات و نول رضا طنطاوي
ثالثا : المشروعات والقطاعات الخاصه بالجهاز

قطاع الامن الغذائى

وهو المسئول عن المشروعات الزراعيه، الانتاج الحيوانى، مزارع وادى النطرون والخطاطبه، مجازر اللحوم ومزارع تسمين العجول وانتاج الدواجن و البيض…

قائد هذا القطاع اللواء مستدعى من 20 سنه لواء/ سيد بدير، ومن الباطن يعمل معه لادارة هذا القطاع الاخ الاصغر للمشير طنطاوي … وطبعا مش بصفه رسميه، ولكن ليتقضى العمولات من الشركات التى تتعامل مع القطاع كمسيونجى يعنى…. وبدلا من ادارة المزارع، تم تاجير الاراضى المستصلحه لشركات اجنبيه بدلا من توزيعها على شباب الخريجين باسعار بخثه

ولا تَدخّلْ لمدير عام الجهاز بتاتا فى قطاع الامن الغذائى، لان سيد بدير حبيب المشين من ايام الجيزه واخو المشير شخصيا موجود بالقطاع

قطاع التعدين

وده الفرخه اللى بتبيض بيضه دهب كل لحظه لسيادة المشين، لان قطاع التعدين مسئول عن كل حبة رمل وظلط فى جميع محاجر جمهورية مصر العربيه بقرار سيادى من الرئيس المخلوع. يعنى حبة الرمل اللى داخله فى بناء بيتك وصل للمشين تمنها ده، غير المناجم والتنقيب وجبال الطفله فى شرم الشيخ اللى بتستخدم فى صناعة السراميك


العمل على قدم و ساق بمنجم السكري

ويرأس هذا القطاع العميد متقاعد/ جمال عبد المطلب و هو عميد مهندس تخصص اسلحه وزخيره. خرج من الخدمه لمخالفات ماليه وسرقات محدش عرف يمسكها عليه، ولذلك تم اختياره للمكان المناسب… حيث ان اللعب فى الارقام فى قطاع التعدين بعد السبع اصفار!! وهو ايضا مستشار مدير عام الجهاز الهندسى، ويعمل معه مجموعة لصوص بشركات وهميه من الباطن لرفع كفائة المصانع الخاصه بالجهاز لصيانتها وتحديثها وسرقتها

شركة كوين سرفيس

وهى تقوم باعمال النظافه والامن فى جميع انحاء الجمهوريه، وهى ايضا المسئوله عن مصانع المكرونه “كوين”

رئيس الشركة هو اللواء/ على ماهر، و ده برضه حبيب المشين من ايام الجيزه، ولواء معاش من 17 سنه!! فقد اصدر المشين قرار بان شركة كوين سرفيس هى المسئوله عن بيع الخرده الخاصه بالقوات المسلحه بالكامل، بل دعمه ايضا بشركات القطاع العام والاعمال والمصالح الحكوميه كافه.. يعنى مفيش حتة خرده بتتباع فى الحكومه كلها الا عن طريق على ماهر، وقبل اندلاع الثوره بعام، كان قد بدء على ماهر باستيراد حديد التسليح وهذا اثار مشاكل كبيره بين المشين واحمد عز

شركة صافى لانتاج المياه المعدنيه والزيوت

ولا تختلف كثيرا عن مثيلاتها من الشركات كشركة النصر للكيماويات الوسيطة، الشركة الوطنية للطرق و الكباري، الشركة الوطنية للمقاولات، وشركة مصر العليا لانتاج المنتجات الزراعيه والمزرعه السمكيه ومحطات تفويل السفن بالوقود، ومصنع النصر للسيارات، الذى لم يعمل بعد شراء جهاز مشروعات الخدمة الوطنية للمصنع، نظرا لقيام الثوره!! لان المشين اراد انتاج سياره مصريه تحمل اسم سوزان مبارك بالشراكه مع شركه صينيه وبلجيكيه ولكن لم يسعفه الوقت

شركة شرق العوينات

اللى كان بيتصور فيها المخلوع كل سنه، والتى تنتج القمح المصدر لاسرائيل، حوالي 50000 فدان، وهذه الشركه استولت على اراضى شرق العوينات بالكامل، وقامت باستصلاحها وتاجير مساحات كبيره منها لمستثمرين اجانب وعرب باسعار بخثه، مع توفير المعدات اللازمة لاستصلاح و زراعة الارض و معدات الرى المناسبه لطبيعة الارض و الجو بالاضافة لنوع المحصول المزروع، كل ذلك مقابل اقل من 3000 جنيه سنويا للفدان..

كل ده تحت قيادة لواء صاعقه/ لص متقاعد/ سعيد الهلالى اللى بيقبل “البروتوكولات و الهدايا” لانهاء اي مشاكل قد تصادف المتعاملين معه من المستثمرين خاصة العرب

بالاضافة لبعض المجاملات لرجال الاعمال خاصة رجال الحزب الوثني و منهم المختفي عمدا ابو العينين، عن طريق العمالة المجانية و هو ما يحدث من خلال مهاداتهم ببعض الجنود مجانا لقضاء خدمتهم العسكرية في احضان رجال الاعمال. الجزء الباقى تتم زراعته قمح عالى الجوده لتصديره لاسرائيل، ومنتجات هذه المزرعه تصدر للخارج لانها منتجاة حيويه غير مسرطنه، وايضا هى سلة غذاء المجلس العسكرى لانهم طبعا مش هيكلوا زينا زراعات مسرطنه مروية بمياه المجاري..

الشركه الوطنيه للبترول

وهى ايضا المسؤله عن توريد البنزين المدعم لشركات مرغم لتحويله الى مواد مزيبه لتصديره الى لبنان وتركيا، كما ظهر لنا فى الاعلام، لتعلموا من وراء ازمة البنزين

يقود الشركة لواء متقاعد/ محمود شوقى


فوّلْ يا شاويش

الشركة بدات باخذ حصه من بنزين شل، ثم تطورت واصبحت اكبر شركه لتوزيع المواد البتروليه فى مصر بعد ان اشترت حصة مصر للبترول، وجزء من التعاون، واصبح اللواء/ محمود شوقى ملك البنزين فى مصر

وطبعا كل هذه الشركات خاضعه للجهاز المركزى للمحاسبات، وطبعا موظفى الجهاز بيروحوا يراجعوا اللى بيتقدم لهم !!! ويتهادوا بمنتجات الجهاز، مع تنفيذ تعليمات رئيس الجهاز المركزى الرجل الملط بعدم التفتيح والتدقيق
و اخيرا…. هؤلاء هم القاده المسؤلين عن امن مصر الداخلى والخارجى، وهذا ما فعله حسنى وطنطاوى فى مصر وشعبها و جيشها، وتحول مشروع الاكتفاء الذاتى وزيادة فرص العمل للشباب، الى سبوبه للنهب والسرقه وتحولت مصر الى عزب للباشوات الجدد
ـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

نقلا عن صفحة حركة مؤيدى ضباط 8ابريل :

فضائح أعضاء المجلس العسكري :
الحلقه الأولى :

معلومات موثقه جداااا سيتم كشف الوثائق في أخر حلقه :

اللواء عادل عماره :

قبل أن يتولى منصب قائد الفرقة 21 مدرع في المنطقة الغربية العسكرية كان يسكن في شقة إيجار مثل أي ضابط جيش .

تم تعينه سنة 2000 قائد الفرقة 21 مدرع بالمنطقة الغربية استلم مبلغ 250 ألف جنية تحسين مستوى معيشه ( بدل ولاء وإنتماء ) .

ثم تولى منصب رئيس أركان المنطقة الغربية ثم قائد المنطقة الغربية العسكرية ثم منصب الأمين العام لوزارة الدفاع وتحولت الشقه الإيجار إلى قصر في التجمع الخامس يقدر بملاين الجنيهات .

لديه ولدين الاكبر محمد خريج الكليه الفنية العسكرية وهو الان يعمل فى المخابرات العامة

وابنه الاصغر احمد خريج الكلية الحربية تم القبض عليه فى قضية تهريب مخدرات وتم طرده من الجيش وتمت مكافأته وتعيينه فى الرقابة الادارية وهى أرقى جهاز رقابى فى الدولة لان والده وقتها كان يشغل منصب الامين العام لوزارة الدفاع .

واللواء عادل عماره حاليا بالمعاش لتجاوزه السن القانونى ولا يتولى الان أي منصب قيادي فى الجيش ولانه من الحاشيه الاوفياء تم استدعائه بعد خروجه على المعاش ليكون من أعضاء المجلس العسكرى .

ويملك سيادة اللواء قصور وشاليهات في الساحل الشمالي وسيدي كرير وأراضى فى الصالحية الجديدة وأموال طائله فى البنوك .

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

الاسم : منيره مصطفى الدسوقي

الوظيفه : ربة منزل 

المهنه : زوجة رئيس أركان حرب القوات المسلحة .

(( زوجة الفريق سامي عنان ))

حصلت على مساحة 100 فدان في الودادي الفارغ طريق مصر اسكندريه الصحراوي بمبلغ تمانية الآف جنيه بالتقسيط المريح و تمتلك قصرا في أرض الجولف و تمتلك ملاين الجنيهات في بنك سوستيه جنرال و جاري عمل مجلد لممتلكات الفريق سامي عنان .

هذه صوره ضوئيه لعقد ال 100 فدان اللي على طريق مصر الاسكندرية

ــــــــــــــــــــــــــــــــــــــــــــــــــــــــــــــــــــــــــــــــــــــــــــــــــ

اللواء محمود نصر رئيس هيئة الشئون المالية :

كاتم أسرار المشير ومستشاره المالى وهو على المعاش ومازال يتولى منصب رئيس هيئة الشئون الماليه مخالفا بذلك القوانين واللوائح وذلك نظرا لشدة ولائه وحفظه اسراره .

يقع قصره بالقرب من قصر الفريق سامي عنان بأرض الجولف ولشدة حرصه على إخفاء ممتلكاته لم نتمكن الا من كشف امتلاكه عزبه بالفيوم مساحتها 5000 فدان من أجود أنواع الأراضي الزراعيه ومزرعه كلها مانجو وبرتقال ومزارع دواجن ومواشي ومحلب ..

ـــــــــــــــــــــــــــــــــــــــــــــــــــــــــــــــــــــــــــــــــــــ