الاثنين، ديسمبر 28، 2015
السبت، أبريل 25، 2015
وضع مخل
واحد شاف امه نايمه فى السرير مع راجل غريب . فيقتل الراجل الغريب ويسيب امه ! دة على اساس انه بكدة يكون غسل عارة ! زمان كان غسل العار بقتل الزانيه الى من دمك ( مش معنى دة انى بوافق او بحرض على القتل ) بس الى مجننى الى بيسيب امه ولا اخته ولا مراته ويقتل الراجل . هو حيخش السجن وامه حتشوف واحد تانى تنام معاة وتالت ورابع وطول مالفرح شفال .
الأربعاء، أبريل 08، 2015
حوار بينى وبينك
ب : الزعيم عبد الفتاح السيسى زعيم الامه العربيه.
ا : تمام بس احنا محتاجين رئيس لجمهوريه مصر العربيه .
ب :انت شكلك خروف .بقولك زعيم الامه العربيه ضرب داعش والحوثيين والليبين . وتحالف مع روسيا ودول الخليج .
ا : انا مش بنكر دة بس احنا عايزين رئيس للمصريين يضرب الزباله الى فى كل مكان يضرب الفساد والفقر والجهل يضرب التحرش والتخلف . رئيس للمصريين يتحالف مع الغلابه والفلاحيين والعمال والمرضى الى مش لاقيين علاج يتحالف مع وزارة السياحه ووزارة الاثار والداخليه والتعليم والرياضه والصناعه والاستثمار .
انا خايف اقولك اننا محتاجين رئيس يهتم بمصر والمصريين وخلى الزعيم عبد الفتاح السيسى زعيم الامه مش عايزين نغيرة خليه زعيم وسفير ووزير دفاع وملك وسلطان واله كمان لو حبيت .
ب : على فكرة انا بدات اتعصب وشكلك كدة عميل للبرادعى و6 ابريل والامريكان . الزعيم عمل قناة السويس الجديدة والعاصمه الجديدة والارياف الجديدة يعمل ايه تانى الراجل اما انكوا شعب نمرود صحيح ماينفعش معاكم غير مبارك وصدام والقذافى .
ا : ماهو بالرغم من كل الحاجات الجديدة الى عملها الزعيم انت لسه مش لاقى شغل وابوك بيكمل الشهر سلف وامك مش قادرة تتعالج وحتموت من المرض . والزباله فى كل مكان والسياحه مضروبه والناس حالها واقف والتعليم زى الزفت والشرطه رجعت تانى تبهدل فى الناس . انت شخصيا ماتقدرش تقول على الزعيم كلمه وحشه او تعارضه او تنتقدة لانهم حيعتقلوك .
ب : ياعم الراجل بقاله سنه واحدة هو يعنى معاه فانوس سحرى .
ا : فهمتكم فهمتكم احنا نستنى 30 سنه كمان عشان الزعيم ياخد فرصته .
الجمعة، فبراير 20، 2015
هل الاسﻻم شريعه وشرع فقط ؟
الشريعه الاسﻻميه التى ﻻ يعرف المتشددين غيرها فى وعن الاسﻻم حتى انهم اقنعوا الكثيرون من مختلف الدول ومختلف الجنسيات بان الاسﻻم شريعه فقط وﻻيعرفون وﻻ يفقهون وﻻ يدركون وﻻ يشعرون وﻻ يعلمون ان الشريعه جزء من وليس كل شئ وان الاسﻻم رحمه للعالمين رحمه لكل البشر .هل تعلمون ان الاسﻻم تسامح وعفو عند المقدرة هل تعلمون ان من تذبحونهم وتحرقونهم وتقطعون رقابهم واذنهم وتهددونهم وترعبونهم قد كرمهم الله . ورعاهم وحفظهم ورزقهم اوﻻد وبنات وصحه وسعاده وعلم وهو قادر عليهم .
هل تعلمون شئ عن الانسان عن الله وصفاته قد تكون تحفظونهم عن ظهر قلب لكن هل تدركون حقا شئ عن الله او رسل وانبياء الله او رسول الله . هل سمعتم برحمته مع الكافر والفاسق والزانيه والزانى هل تذكرون انه قتل نفس اذنبت او رجم او حرق او ذبح .
هل تعلمون شئ عن الاسﻻم الاخﻻق
هل تعلمون شيئا عن العفو والعقل
هل تفكرون
هل تدبرون
السبت، يناير 10، 2015
العادة السريه (الاستمناء)
انقل هنا ناسخا بﻻ تصرف او تحريف راى الخبراء والمتخصصين والعلماء والاطباء عن العادة السريه وتاثيرها على الصحه واثارها النفسيه على الذكور والاناث .
________________________
طرق ممارسة العادة السرية
_________________
الصحة والآثار النفسية
______________
يتفق المجتمع الطبي على ان الاستنماء عملية صحية سليمة وعادة نفسية طبيعية.الاستمناء مرحلة طبيعية يمر بها الأفراد البالغون ويشعر المرء بحالة من الراحة والتخفيف من حالات الاكتئاببل وربما تعد الحالة المثلى لممارسة الجنس بصورة آمنة. من جهة أخرى يعد الاستمناء وسيلة فعالة لتعويض النقص الذي قد يفتقر إليه أحد الزوجين أثناء ممارسة الجماع بسبب مشاكل قد يعانيها الجنس الآخر.
يعمل الاستمناء أيضاً على تخفيض ضغط الجسم وبالتالي فقد يكون ذا فائدة لمن يعانون من ارتفاع في الضغط وضرر على من يعانون من انخفاض في الضغط.
في عام 2003، وجد فريق البحث الأسترالي متخصص في أبحاث السرطان بقيادة غراهام جيلز أن الذكور الذين يمارسون الاستنماء بصورة متواصلة تكون احتمالية اصابتهم بسرطان البروستاتاأقل. وأن الرجال في العشرينات الذين يمارسون الاستنماء بمعدل خمسة أو أكثر أسبوعياً تكون مخاطر إصابتهم أقل بكثير. إلا أنهم لم يتمكنوا من معرفة العلاقة السببية المباشرة. وأشارت الدراسة أيضاً إلى أن زيادة القذف عن طريق الاستمناء بدلاً من الجماع سيكون أكثر فائدة لأن الجماع يرتبط دائما مع الأمراض المنقولة جنسياً التي قد تزيد من خطر الإصابة بسرطان. ومع ذلك، لكن يبدو أن عملية الاستنماء تربتط بشكل أو بآخر بالسن. حيث خلصت دراسة أجريت عام 2008 أن القذف المتكرر لمن تتراوح أعمارهم بين 20 و 40 قد تكون مرتبطة بارتفاع مخاطر الإصابة بسرطان البروستاتا. من ناحية أخرى، فان الدراسة تقول أن القذف المتكرر في الخمسينات تكون مرتبطة مع انخفاض هذه المخاطر.
وقد أجريت دراسة عام 1997 على 918 رجل أثبتت أن هناك علاقة عكسية بين النشاط الجنسي وحالات الوفاة بالأزمة القلبية. حيث كان خطر الوفاة أقل ب50% لهؤلاء الذين يمارسون نشاط جنسي أكثر من أقرانهم.
عن ويكبديا .
________________________________
كيف تتعامل مع هذا البرد الشديد .
Nانزل من البيت ومعاك بطانيه 😉 طبعا دى سخافه واستظراف .
انا بقدم نصايح بصفتى عايش فى بلد درجه الحرارة بتوصل فيها 30 تحت الصفر .
اهم شئ الصوف ثم الصوف فالصوف .مش حعقد الدنيا واقول اشترى صوف ناعم من الغالى الى مش بيخليك تهرش وحنين على البشرة .
1- اشترى كلثوم او استلف من والدك او من جدك او اشترى من البياعين الى فارشين فى الارض على محطه القطر فى سوق درباله او فى سيدى بشر عند مسجد الصداقه او الساعه او المنشيه مش حتغلب يعنى .ومافيهاش كسوف يعنى انك تلبس كلثوم تحت الهدوم وتحصن نفسك من البرد الكسوف بجد انك تفضل نايم فى البيت تحت البطانيه زى ال.....!!
انا بنصح بجد مش بستظرف وﻻ بضيع وقتى وبمقق عينى فى الكتابه على التليفون . لو انت بجد بتفكر فى حل عملى انا بقولك مش عايز يبقى خليك تحت البطانيه فى البيت وخدها معاك وانزل استظرف عالناس فى الشارع.
2- بلاش الشراب الخفيف الحرير الحاجات دى ماتنفعش فى الجو دة ورجلك حتلج عارف تعمل ايه انزل على العطارين حتﻻقى سوق المستعمل وحتﻻقى ناس بتبيع لبس الجيش عليك وعلى شرابات الجيش حتساعد كتير وطريها يعنى وبﻻش تقعد عالقهوة تحط رجل على رجل ولو نسيت وحطيت رجل على رجل وحد ﻻحظ الشراب خش بصدرك بقى وخليك واثق من نفسك واقولهم والله مدفينى تمام ولو حد عمل فيها ابن حسين سالم قدامك فكك منه وانا واثق انه حيسالك تانى يوم جبته منين .
الحاجتين دول اهم حاجه فى الموضوع الكماليات بقى طاقيه صوف ( ايس كاب ) وجوانتى واصﻻ مش حتﻻقى صوف كلها تريكوا بس اهم بيسندوا وحتﻻقى الواحد بخمسه جنيه لخمستاشر جنيه وبردوا اشتريهم من عالرصيف وصدقنى كلها شبه بعض وكلها بتجيب من نفس المصنع سواء الى فارش فى السوق او الى بيبيع فى محل . اخر حاجه ودى حتجيب معاك من الاخر وحتخليك فرن تلفيعه الصعايدة عارفها . التلفيعه الكبيرة اوى دى الستان اصفر فى اسود والله شيك جدا جدا وانا عندى واحدة منها جربها وخليها موضه وكل الشباب حيلبسها بعد منك .
هنا فى النرويج بيقولوا مافيش حاجه اسمها جو سئ لكن فى حاجه اسمها مﻻبس غير مناسبه . يعنى بﻻش تلبس كوتشى وصندل وشبشب وسنيكر والحاجات الى طالعه جديد دى . او خليك على راحتك مدفى تحت البطانيه .
تحياتى
ابو ادم .
الخميس، أغسطس 14، 2014
الأربعاء، أبريل 10، 2013
الا يستحى المتأسلمون.
حازم صلاح ابو اسماعيل بيقول انه لم يسمع ان حمدين صباحى كان معارض لمبارك قبل الثورة.والعريان بيقول ان محمد البرادعى عميل وساهم فى دخول الامريكان للعراق ودمر العراق ويطالب بمحاكمته شعبيا !!! هما الناس دى لا يستحون من الكذب امام الله. طيب حنقول انهم لا يستحون وانهم يبررون كذبهم وافعالهم القذرة امام الله بان الضرورات تبيح المحذورات. فالكذب مباح من اجل المشروع الاسلامى ( اى سيطرتهم على الدوله المصريه ) بالرغم من ولائهم لامريكا وخضوعهم لها وتعاملهم بحب مع اسرائيل.ومافيش اى امارة على مشروع اصلا ولا هم قريبين من الاسلام.طيب حنقول انهم بيكذبوا لتضليل الناس البسطاء والسيطرة عليهم ودفعهم لمعادة رموز شريفه وهم يعلمون. الا يستحون مثلا من المثقغين والساسه الذين يعلمون يقينا كذبهم. طيب الا يستحون من اسرهم زوجاتهم وابنائهم وبناتهم الذين يعلمون يقينا انهم كاذبون. ويتذكرون احاديثهم فى السابق عن عظمه وقيمه الدكتور البرادعى وحمدين صباحى وكم انهم شرفاء وعظماء ومناضلين. كيف يعيش هؤلاء المتأسلمين بين الناس وبين اسرهم بكل هذا الكذب والتحول والنفاق؟
الثلاثاء، أبريل 02، 2013
السبت، مارس 30، 2013
النقاب , الحجاب ام ايشارب ؟
يا أيها النبي قل لأزواجك وبناتك ونساء المؤمنين يدنين عليهن من جلابيبهن } }
.فلو حاولنا التدبر ومعرفه دين الاسلام الذى نعتنقه .وتوقفنا عن الاقتباس والانصات والحفظ .وتأملنا كتابه الكريم الذى ننطق بلسانه . العربى .لوجدنا ان الله سبحانه وتعالى لم يذكر وجه المراة كعورة ..او رقبتها ولم يذكر سبحانه وتعالى ان الحجاب المقصود ستر للعورة .
قال تعالى ( ولقد ضربنا للناس في هذا القرآن من كل مثل لعلهم يتذكرون قرآنا عربيا غير ذي عوج لعلهم يتقون )
اذا فكل امور الحياة ذكرها الله فى كتابه الحكيم . قيل من القصص عن سبب نزول ايه الحجاب . ان المشركين فى عهد رسول الله عليه الصلاة والسلام كانوا يتعرضون للنساء وخاصه الاماء منهم ويعتدون عليهم ويؤذونهن. فلو فرضنا صحه القصه المذكورة خاصه بعد قوله تعالى تكمله لايه الحجاب:
يا أيها النبي قل لأزواجك وبناتك ونساء المؤمنين يدنين عليهن من جلابيبهن } }
لم يذكر المولى سبحانه وتعالى ان سبب امرة لرسوله بان يأمر النساء بان يدنين عليهن من جلابيبهن ..بان هناك عورة ويجب سترها بل وضح المولى عز وجل القصد من الايه والهدف من الحجاب فقال سبحانه وتعالى ..
{ ذلك أدنى أن يعرفن فلا يؤذين } .
ولست هنا لاناقش المقصود من قوله تعالى هل هو النقاب ام الحجاب . ولكن هناك اقوال واختلاف .وبعد المقال سنتفق على انه حجاب او نقاب او طرحه او ايشارب او بندانه .عورة ام أذى وحفظ من الاذى .
.كتاب أنزلناه إليك مبارك ليدبروا آياته وليتذكر أولو الألباب )
{ ذلك أدنى أن يعرفن فلا يؤذين } .
للحفظ من الاذى من المشركين فى عصر رسول الله .
..فهل اختلف الامر اليوم . ام ان هناك ايضا ايذاء للمسلمه فى البلد الاسلامى بدون حجاب .
نعم هناك اذى ليس من المشركين ولكن من المسلمين وغير المسلمين فى البلد الاسلامى على سبيل المثال . وفى ظل ما نعيشه من جهل وامراض نفسيه وقله وعى دينى وتدنى اخلاقى وتاخر فى سن الزواج .وانتشار المخدرات . فلابد من الحفاظ على المرأة من التوحش الغير الانسانى داخل رجل ناقص عقل ودين ومريض نفسى ومدمن مخدرات . ولم يقيم فى حياته علاقه مرة واحدة . وقد وصل لسن متاخر ومصاب بتوحش جنسى .
ففى بلاد اخرى كالغرب مثلا
فالنقاب او الحجاب او اى علامه تضعها المراة على راسها للتعريف بدينها ستعرضها للاذى .
فقد خالفت بذلك شرط الحجاب الذى امرهو حفظ لها من الاذى كما اراد لها رب العالمين . كما يحدث وحدث فى بعض الدول الغربيه من تعرض النساء المسلمات للاذى وتعرف الاخرين عليهم بسبب حجابهم او نقابهم او حتى الايشارب .فخلع الحجاب هنا هو الحفاظ على المرأة من الأذى . . والحفظ هو الشرط .كما هو مذكور فى كتاب الله .والذى طلب منا ان نجتهد ونقرأ ونتدبر .
الأربعاء، مارس 27، 2013
الثلاثاء، مارس 26، 2013
الاثنين، مارس 25، 2013
الأحد، مارس 24، 2013
الخميس، مارس 21، 2013
مرسى الاخوانى يتقرب للباكستانين على حساب وسمعه وشرف وعبقريه حرب اكتوبر المجيدة ومحاربينا العظماء
«مؤرخو أكتوبر»: تصريحات «مرسى» عن مساندة باكستان فى الحرب «تشويه» http://www.elwatanmobile.com/7000c582663f4d6ed32545fcc0f83c9b
الجمعة، مارس 08، 2013
الظواهرى رئيسا لمصر
El Badil البديل (@ElBadilNews) tweeted at 3:58 PM on Fri, Mar 08, 2013: "طلاب الشريعة" تطالب بعمل توكيلات لـ "الظواهري" لإدارة شئون البلاد http://t.co/Y3W4uxz4BL (https://twitter.com/ElBadilNews/status/310041762985041920) Get the official Twitter app at https://twitter.com/download
الثلاثاء، يناير 29، 2013
بلاك بلوك اتقوا الله وأحنا مسلمين وموحدين بالله
قالت صفحة البلاك بلوك، على موقع التواصل الإجتماعى «فيسبوك»: لكل الناس اللى بتشكك فينا وبيقولوا إننا أقباط وتابعين للكنيسة وعاوزين يولعوا الدنيا وخلاص ويعملوا فتنة طائفية فى البلاد اتقوا الله وأحنا مسلمين وموحدين بالله بلاش فتنة بينا وبين الأقباط وده آخر تحذير للإخوان وصفحاتهم اللى عمالة تروج إشاعات وخلاص ورسالة إلى الإخوان إن لم تتوقفوا عن ترويج تلك الإشاعات لا تلوموا غير أنفسكم لن نقبل بإشعال الفتنة بيننا وبين الأقباط من أجل بقائكم فى السلطة.
الاثنين، يناير 28، 2013
الضرورات تبيح المحذورات .
ولكن اليوم نحن امام طغاة جدد وليس طاغيه واحد لان مرسى لا يحكم منفصلا ولا يستطيع . نحن امام مجموعه من الطغاة ورحيلهم اصعب من رحيل مبارك بل قد يكون مستحيل .
فهم يؤمنون بان الشعب معهم والمتظاهرون قله قليله .
وهم يؤمنون بانهم رسل السلام وهم الاسلام . وهم الحق والحقيقه .
ويؤمنون بانهم المختارون لقيادة مصر وان مايحدث لهم بلاء .
وهم ايضا مؤمنون بانها فرصتهم الوحيدة لنشر وتوسيع المشروع الاخوانى فى العالم العربى بل العالم كله وسيطرتهم على العالم الاسلام والعقليه المسلمه .
لذلك فهم يكذبون ويزورون وينافقون ويغيرون الحقائق ويشوهون الشرفاء يصادقون الاعداء ويعادون الابناء . عملا بمقوله الضرورات تبيح المحذورات . يجلسون مع الامريكان والاسرائيلين ويتعاونون معهم ويستمعون لهم ويبتسمون وهم يبغضوهم . ولكنهم يؤمنون بانهم المختارون وان الضرورات تبيح المحذورات . يزورون الانتخابات ويكذبون باسم الدين ويستخدمون كل ماهو مشروع وغير مشروع بلا شرف او امانه لايمانهم بان الضرورات تبيح المحذورات .
الاخوان لن يتنحوا ولن يبنوا لانهم بلا مشروع او مشاريع بلا خبرة او حنكه لا هدف لهم ولايسعون الا التنميه وانما مشروعهم وهدفهم هو الاخوان والخلافه الاخوانيه فى العالم العربى . لن يتغير الوضع فى مصر معهم وبيهم ولن يتحسن الوضع ولن يكون هناك حريه ولا عداله اجتماعيه معهم .
فاما الثورة عليهم او القضاء على ماتبقى من الثورة منهم .
السبت، ديسمبر 22، 2012
المال والاخوان .
هو ليه الولاء للاخوان قوى جدا جدا من اعضاء الجماعه . قوى جدا لدرجه الطاعه العمياء والسمع بلا اعمال للعقل .
السر يكمن فى المادة , المال , الفلووووووووس .
ممكن تصدقنى وممكن تكون عندك حاله او خبرة سابقه بالامر من خلال جار او معارف او خلافه ويمكن تاخد كلامى وترميه البحر .
تعرف ان الجماعه بتصرف على اعضاءها اموال بسخاء تام فى ناس يا استطاعت انها تبنى بيوت من سخاء الجماعه عليهم فى المظاهرات وفقط من خلال المظاهرات والاعتصامات يعنى مثلا العضو العادى فى جماعه الاخوان المسلمين بيتلقى عن كل مظاهرة بشارك فيها 400 جنيه ولو واخد معاه واحد من البلد جار او معرفه ومش عضو فى الجماعه بياخد 100 جنيه . احنا بنتكلم عن اعضاء عاديين مش قيادات زى صفوت حجازى والعريان وغيرهم الناس الى هى لحم كتافهم من خير الجماعه .. طيب تخيلوا كدة الفلوس الى بتروح لقيادات الجماعه فى المناسبات والنشاطات والاحزان والافراح والحوادث والكوارث ..
طيب تتخيل فى حد يرفض النعمه دى على فكرة انا كلامى مش من خيالى ولا للتخوين وربنا شاهد على انا كلامى عن خبرة ومش حذكر مواقف لان فيه مواقف وحالات حدثت لاقارب لى من الدرجه الاولى وهم اعضاء فى الحريه والعداله مؤخرا .. وواحد فيهم طالع عمرة على حساب الجماعه واقسم بالله الذى لا اله الا هو ..
بالله عليكم مين يرفض النعمه دى مين لا يبايع الجماعه على السمع والطاعه . دة لو كلب بلا عقل حيكون مطيع ووفى لو اطعموة كما تطعم الجماعه اعضائها ..انا اتذكر زمان لما كنت اؤيد الجماعه ومتعاطف معهم . كان احد الاسباب اعمالهم الخيريه واعترف انهم فى قرى كثيرة جدا فى الارياف زوجوا شباب كتير جدا جدا وعلى فكرة هما معظم نشاطهم فى القرى والارياف . بيعرفوا يصطادوا يعنى هما مش اغبياء ولا تنظيم اهبل دة تنظيم قوى .لان التنظيم الى مبنى على مبدأ شراء الناس بالمال هو تنظيم قوى وهادف الله اعلم ايه اهدافه ولكنه تنظيم قوى وقوى جدا كمان .
السؤال الى بيدور فى عقلى ومحيرنى منين بتيجى فلوس الجماعه .؟
مين الممول للجماعه ؟ وليه ؟
الاثنين، ديسمبر 17، 2012
قول نعم للضرب على القفا للفقر للغش والاهانه والمهانه . قول نعم للدستور
قول نعم للدستور بس بعدين ماتعيطش لما مخبر يضربك على قفاك تانى ويحجزك فى القسم من غير تحقيق زى الـ.... ..
قول نعم للدستور وماترجعش تعيط وتشحت عشان تتعالج او تعالج ابوك او امك او حد من عيالك وماتزعلش لما يطلبوا منك شهادة فقر وحد من جيرانك يمضى عليها ..
ماتزعلش لو الرئيس قرر يعمل حاجه على مزاجه وماحدش يقدر يحاسبه او يراجعه لان الدستور الجديد بيديه حق انه يعمل الى على مزاجه ومزاج اهله والمرشد بدون حساب ..
ماتعيطش وتشتكى من غلاء الاسعار وتشتكى من صاحب الشركه او المصنع لو طلع تقرير ان الشركه بتخسر لان مرتبك عمرة ما حيزيد ولا بعد سنين الدنيا تزيد ومرتبك يزيد قول نعم للدستور وانا اسال الله ان يرزقك صاحب عمل ماعندوش ذمه ومعظمهم ماعندوش ذمه ابقى عيط بقى وقول ياريتنى قولت لا .. لان الدستور الجديد بيربط زيادة الاسعار بالانتاج ..!
قول نعم للدستور وماتزعلش لو كنت خريج جامعه وبتشتغل بوظيفتك وفجاة مديرك غضب عليك وقرر انك تمسح البلاط او تقف على باب الشركه تمسح جزم لان الدستور الجديد بيديه الحق انه يشغلك اى شغلانه على مزاج اهله ..
قول نعم للدستور وخليك فاكر ان 40 فى الميه من اقتصاد البلد مش من حق حد يعرف عنه حاجه ولا حتى البرلمان الى انت انتخبته لان الدستور بيقول كدة
الى يقول نعم للدستور بعد كل دة يستاهل يعيش فى مصر الاخوان ..