أوعي تتخيلوا ان الشعب عايز الفلول
ديه كذبه كبيره أوعي تاني يخدعكو العسكري والاعلام بيها ويفرق بينكم اكتر من اللي فات
السيناريو زي ما كان مرسوم بيطبق بحذافيره
تم اضافة خمسه مليون اسم للكشوف الانتخابيه قبل الانتخابات
محدش يقوللي من انتخابات البرلمان لغاية دلوقتي في خمسه مليون عدوا 18 سنه
.بلعبه من الشرطة والجيش خلو قواتهم ليهم حق الانتخاب
قالو للسلفيين ينتخبوا ابو الفتوح لانه هيتفاهموا معاه اكتر
علشان يكسروا الأصوات ما بين السلف والإخوان وبلع السلفيين الطعم
ودخل شفيق رغم انف الجميع بعد غلق التظلمات لسباق الرئاسه مره اخري بلا قانون
و اعطوا التعليمات للكنيسه والشرطة والجيش باختيار شفيق
و هددوا اللي هيثور علي شفيق بان هيكون مصيرهم نفس مصير اللي اعتصموا في العباسيه
و من غير تزوير ولا اي مخالفات تم تمرير خمسه مليون صوت هديه لشفيق ليضرب بعرض الحائط مشروع الوطن لانصار ابو الفتوح و حلم الغلابه لحمدين صباحي و التمهيد لذبح الثور الثالث مرشح الاخوان اللي فاز باغلبيه ساحقه حقيقيه علشان يقضوا عليه في الاعاده لنقول بعدها ذبحنا يوم ذبح الثور الابيض
و نعود لاول القصيد هي شرعيه ثوريه في مواجهة سلطه مسلحه هم العسكر الذي كان مبارك احد رجالهم و سقط تاركا النظام كما هو واذا بنا و باختيار الشعب رئيسنا هو احمد شفيق
معذرة أيها المجلس العسكري شعبنا لم يختار شفيق ولو عدتم باذناب مبارك عدنا بثورتنا
و لكن سنكون قد تعلمنا الدرس القاسي
قوتنا و نجاح ثورتنا في وحدتنا لا فرقتنا
لنقف مجتمعين في وجه من سيفرض علينا شفيق الذي استقبله الشعب في كل محفل بالجزم ولنسد آذاننا عن اعلام الفلول المضلل الذي خدعنا حتي في النتائج الرسميه للانتخابات
ياريت بدل ما نقعد نقول مصر عايزه شعب او ناس تفكر تهاجر او نقول ده شعب قتلنا بصوته
تعالو نقف ايد واحده ننسي اللي فات و اللي فرق بينا لازم مايكونش ليه مكان في مصر الجديده مصر الحره القويه بشعبها اللي جه يفرح ملقاش لنفسه وسط العسكر مطرح
ضباط لكن شرفاء
ليست هناك تعليقات:
إرسال تعليق