لما المراقبين الدوليين يعلنوا ان الانتخابات اتزورت وكان الناخبين بيضعوا فى الصناديق اوراق التصويت بالجمله لصالح مرشح العسكرى شفيق . لما يتفضح العسكرى ويتعرف ان امناء الشرطه والمجندين صوتوا فى الانتخابات .  لما نعملثورة يحلف بيها العالم كله وتحير علماء النفس والاجتماع وبعديها نعمل  انتخابات رئاسيه و العالم يضحك علينا ويمصمص شفايفه ويقول ان ماحدث فى الانتخابات الرئاسيه المصريه هو مايحدث فى كل افريقيا يعنى فى العالم المتخلف . يبقى انا ليه اشارك تانى فى انتخابات قذرة مزورة مطبوخه لمرشح العسكرى ليه اكون جزء من لعبه فاسدة ليه صوتى مش مهم بالنسبه لى . انا ليه اخش  فى تنافس غير شريف مابين العسكرى والاخوان وتحدى . وانا عندى ثورة .  انا اثور تانى وتالت ورابع ولا انى اشارك فى المسخرة دى .