نقلا عن حركة شباب 6 إبريل
بالرغم من انقسام الخبراء (وأنا منهم طبعا على فكرة!) بين مؤيد ومعارض لتعديلات الدستور (ترقيعات شكلها أحلى،، ميلودراما وكده) ، إلا إننا نتفق جميعا على أنه فى نهاية المطاف ( آخر الخط يعنى ) سنكون فى حاجة إلى دستور جديد، السؤال هو كيف نصل إلى ذلك ؟ (هما قالوا لك العنوان فين بالظبط؟) ...؟؟
وبغض النظر عن إيجابيات وسلبيات كل طريقة ، وقبل أن أشارككم أفكارى التى لا قيمة لها (دلوقتى لا قيمة لها لكن لما أبقى رئيس هتبقى قمة الحكمة طبعا) أحب أن أعرب عن خالص شكرى للمجلس الأعلى للقوات المسلحه الذى – بدون قصد – دفع الشعب لأخذ دورة مكثفة فى القانون الدستورى :)))
(ناس كتيرة كانت فاكرة الدستور كلمة قبيحة قبل كده)
وبخلاف اي شخص ينظر للامور بنظرة فوقية (من السطوح مثلا) ، فإن هدفى الأساسى هو الكفاءة ( شغل فنادق يعنى على رأى عمنا عمر طاهر) ، قول عليا مجنون ( مش أغنية هشام عباس ) ولكنى أكره إضاعة الوقت والفلوس والمجهود ع الفاضى
لذلك سوف أقوم بشرح كل طريقه وسرد عدد الخطوات اللازمه لتحقيق جمهورية ديموقراطيه مستقره ( هأجيب من الأخر يعنى ، مش يومى بسنه زى الريس المتنحى) فاكرينه؟ :D
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
الطريقه الأولى : دستور جديد = شغل نضيف من الأول
خطوة إختيارية 1 : إعلان دستورى مؤقت
خطوه إختياريه 2 : تشكيل مجلس رئاسى بأغلبيه مدنيه
خطوه 3 : ترشيح 100 – 200 فرد للجنة صياغة الدستور
خطوه 4: عمل إستفتاء لإختيار من 50 – 100 فرد من الاسماء المرشحة لعضوية لجنة صياغة الدستور
خطوه 5: كتابة الدستور الجديد *
خطوه 6: إجراء الإنتخابات الرئاسيه
خطوه 7: إجراء الإنتخابات البرلمانيه
*لا داعى لإجراء إستفتاء على القانون الجديد حيث أنه تمت كتابته بواسطة لجنة مختارة مباشرة من الشعب ، ولكنى سأضيف خطوه الإستفتاء لزيادة التأكيد (حرص ولا تخونش)
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
الطريقه الثانية: التعديل = دستور 1971 بنيولوك جديد
وعلى طريقة الشيف رمزى ولعبة السلم والتعبان هنشرح الخطوات
خطوه 1 : عمل تعديلات لدستور 1971
خطوه 2 : عمل إستفتاء يوم 19 مارس على التعديلات ولو كانت الإجابه ب لا إرجع لخطوه 1 وإعمل التعديلات من تانى أو إلغى الدستور ، لو كانت الأجابه ب نعم (نعمين تلات نعامات) خش على خطوه 3 (مبروك يا عم لقيت سلم)
خطوة 3 : عمل الإنتخابات البرلمانيه
خطوه 4 : عمل الإنتخابات الرئاسيه
خطوه 5 : تكليف البرلمان بإختيار لجنة كتابة الدستور
خطوه 6 : كتابة دستور جديد
خطوه 7 : عمل إستفتاء على الدستور الجديد ، لو كانت الإجابه ب لا نعيد الخطوات اللى فاتت كلها ( ليه تسكن قريب لما ممكن تسكن بعيييييييييد؟) ، لو كانت الإجابه ب نعم فإن الرئيس والبرلمان سيعملان بشكل طبيعى حتى إنتهاء مدتهما.
خطوه 8 : عمل إنتخابات برلمانيه جديده
خطوه 9 : عمل إنتخابات رئاسيه جديده
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
<span>النتائج:</span>
الطريقه االثانية : على الأقل 7 خطوات حتى 10 خطوات (طريق رأس الرجاء الصالح)
الطريقه االأولى : على الأقل 5 خطوات حتى 8 خطوات (طريق قناة السويس وأهو برضه حتى تجيب جمبرى سويسى للأولاد)
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
<span>الحكم :</span>
بغض النظر عن الوقت المستغرق فى كل خطوه ومستوى الثقه فى أى من الطريقتين ، فإن الطريقه 1 – دستور جديد – هى الأكثر كفاءه وأقل فى الجهد والنفقات.
(وخلوا بالكم من النفقات دي انتم البتدفعوها مش حد تاني).
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
نصيحة شخصية :
إلغاء إستفتاء 19 مارس ( 19 آذار علشان جوجل ترنسليتور ما يزعلش مننا ) وإستخدام الفلوس فى شئ أفيد
مثلا مثلا ممكن نجيب بيهم كنتاكى للعيال الأجندات بتوع التحرير ونجيب كمان ريش وبيتزا لولاد أخو عفاف شعيب
لو عجبتك انشرها :)))
وطبعا يا عم مفيش مانع تطبع وتوزع كمان لغاية يوم الاستفتاء .. من أهم إنجازات الثورة ان الشعب بقى بيوزع منشورات أكتر م العيال السياسيين :D
▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀▀
فكرة: وائل قاسم
تدقيق قانونى: إياد حرفوش
ترجمة: وليد عصفور وأحمد الشوربجى
إعداد: هبة علوه
ليست هناك تعليقات:
إرسال تعليق